Hoe kan die goeie
gees in ons so vinnig net weg raak? Die goeie gees in ons is die een wat op die
Here wag en sy vertroue op God plaas.
Want die enigste ware gedagtes wat ons eintlik kan hê of uit kies is die
gedagtes wat God reeds uitgegee het. Dit
is nie werklik problematies nie want dit beteken eenvoudig dat ons kan rondloop
in God se ewige bron van volmaakte idees en uitkies wat ons nou kan aanraak.[1]
Die skoonheid wat ons kan ervaar is die eenheid van menswees in ‘n volmaakte
skepping en die wonder van mens wees in ons eenheid met God.[2]
Dit wat ons
ongelukkig maak is die verlies aan eenheid met God se idees en gedagtes oor wie
Hy is en hoe Hy elke oomblik met liefde kan vul. Selfs die seerste menslike
hartseer wat uit boosheid en onvolmaaktheid vloei is dalk net soos 'n papier muur
waardeur gebreek kan word om weer in die volmaakte realiteit van goddelike
gedagtes en ervarings in te beweeg. Mense wat in boosheid en hartseer leef is daarom nooit meer ware gevangenis van hulle mure rondom hulle nie. Ons is bloot gevangenis van ons
sinne wat nie deur die papier muur van sonde kan breek nie.
Ons kan nou deur die papier muur breek
wat ons ongelukkig oor alles gemaak het... "Oor alles" want die
papier muur is regtig insluitend van ons totale ervaring en dit sluit alles wat
ons sien en oor dink tot en met die punt wat ons deur dit breek, of tot ons
dalk net teen die papier muur tik en besef dat God se oorwinning oor alle sonde
die "ondeurdringbare muur" van sonde tot 'n papier muur vir altyd kom afbreek
het. Ons moet erken dat om deur 'n ondeurdringbare muur te kom soos wat 'n mens
deur 'n papier muur kom is suiwer God se genade werk. Dankie Here my Verlosser
en Saligmaker!
Daarom het ons
ons gedagtes en is een met God... Wat kan ons meer verwag? Die grootsheid van
hierdie wêreld kan 'n mens met baie min los. "Baie min" want dit laat jou nooit toe om
regtig aan iets te vat nie want dit is net prentjies op papier mure rondom ons.
God is die volmaakte en ewige werklikheid agter die papier mure van ons sonde... Ons kan nou elke dag deur die papier mure van sonde breek!
[1] God is logies gesproke die bron van alle en die
enigste volmaakte realiteit en in Christus glo ons met sekerheid dat Hy ons
deel van hierdie alles insluitende volmaakte realiteit maak.
[2] Die Evangelie van Johannes Hoofstuk 17
maak ons eenheid met God in Christus baie duidelik.
No comments:
Post a Comment